Síntomas de párkinson

O Parkinson maniféstase a través dunha ampla variedade de síntomas que se agrupan en dous grandes bloques: motores e non motores.

É importante destacar que non tódalas persoas presentan os mesmos síntomas, nin evolucionan da mesma maneira.

Síntomas motores

Tremor en reposo

  • Presente no 70% dos pacientes.
  • Normalmente afecta a mans, brazos, pernas, beizos, lingua e queixo.
  • Desaparece ó executar unha acción.
  • Empeora co estrés, a fatiga ou certos medicamentos. 

Bradicinesia (lentitude de movementos)

  • Aparece en fases iniciais: dificultade para tarefas finas (como escribir ou abotoarse).
  • Pode chegar a impedir o inicio do movemento (acinesia).
  • Maniféstase tamén na marcha parkinsoniana: pasos curtos, arrastrando os pés e sen braceo.

Rixidez ou aumento do ton muscular

  • Músculos tensos de maneira continua.
  • Dificultade para moverse, virarse na cama, levantarse, alcanzar obxectos.
  • Dores musculares frecuentes, cambra, diminución da expresividade facial.

Trastornos posturais

  • Postura encorvada do tronco, cabeza e extremidades.
  • Inestabilidade ó camiñar, bloqueos na marcha (sobre todo en espazos estreitos).
  • Maior risco de caídas.

*A combinación de dous ou máis destes síntomas denomínase parkinsonismo. Non tódalas persoas presentan todos os síntomas, nin o fan coa mesma intensidade.

Síntomas non motores

Aínda que menos visibles, poden afectar de maneira importante á calidade de vida.

Trastornos neuropsiquiátricos

  • Depresión, ansiedade, apatía.
  • Diminución da libido.
  • Trastornos do pensamento, lentitude cognitiva, alteración da concentración ou memoria.
  • Nas fases avanzadas: deterioro cognitivo ou demencia.
  • TTrastornos do control de impulsos: compras compulsivas, ludopatía, hipersexualidade, etc.

Trastornos do sono

  • Insomnio, soños vívidos, despertares frecuentes.
  • Trastornos de conduta no sono REM. 
  • Pernas inquedas ou movementos periódicos durante o sono.

Síntomas sensoriais

  • Dor crónica.
  • Perda ou alteración do olfato (hiposmia).
  •  Alteracións visuais (visión borrosa, diplopía, etc.).

Fatiga

  • Unha sensación persistente de fatiga que non mellora co descanso.

Disfunción autonómica

  • Problemas urinarios: urxencia, frecuencia, nicturia.
  • Disfunción sexual.
  • Hiperhidrosis (sudoración excesiva).
  • Hipotensión ortostática (baixada de tensión ó levantarse).

Problemas gastrointestinais

  • Eczema seborreico na cara ou no coiro cabeludo
  • Dificultades para tragar (disfaxia).
  • Sialorrea (exceso de saliva).
  • Estrinximento. 

*O párkinson e os parkinsonismos afectan de maneira única a cada persoa. Por iso falamos dunha notable variabilidade de síntomas, patróns de evolución e posibles impactos para a saúde que deben abordarse de maneira individualizada.

Scroll ao inicio